Tips sa tamang paghalik

SINASABING ang paghalik ang isa sa mga pangunahing paraan kung paano mo maipadarama sa iyong partner ang iyong labis na pagmamahal sa kanya.

Subalit paano nga ba kung wala ka pang kaalam-alam kung paano ang tamang paghalik.

Una sa lahat, sinasabi ng mga eksperto na hindi ka dapat mag-alala kung wala ka pang karanasan sa paghalik.

Anila, naghahalikan na hindi naman sasabihin sa iyo ng mga lalaki na may nakahalikan ka na dati bago sila dumating sa iyong buhay.

Dahil sa ang bawat isa ay may iba’t ibang style sa paghalik, kung wala ka pa talagang karanasan ay talagang magsisimula ka sa ‘scratch’ kapag humalik ka sa isang tao.

Karamihan umano sa mga kaso, ang mga lalaki ay nati-thrill kapag nakikipaghalikan sa iyo at hindi niya huhusgahan kung paano ka mag-kiss basta’t masaya siyang nakikipag-kiss sa iyo.

Kaya’t huwag na huwag umanong mahihiya kung baguhan ka lamang sa larangang ito. Madali lamang ang paghalik — at masaya pa — kapag alam mo ang basic rules, ayon sa mga eksperto.

LABI, BIBIG, ‘BASIC EQUIPMENT’ SA PAGHALIK

Ang labi at bibig ang itinuturing na ‘equipment’ sa paghalik. Kaya’t dito nakasalalay kung masisiyahan sa paghalik sa iyo ang iyong partner o hindi.

TIPS UPANG MAGING MEMORABLE KISSER

Narito ang mga tips para maging memorable kisser:

1. Panatilihing malambot at kissable ang iyong labi sa pamamagitan ng paglalagay ng lip balm araw-araw.

2. Huwag kalimutan ang hininga. Kailangan ay lagi itong fresh at mabango.

Ang mabangong hininga ay isa sa pinakamahalagang sangkap sa isang masarap na halik.

Panatilihing fresh ang hininga sa pamamagitan ng parating pagsisipilyo at paggamit ng dental floss ng kahit dalawang beses sa isang araw.

3. Tiyaking lagi kang may dalang sugar-free mints sa iyong bag o bulsa para sa mga sitwasyong kailangan mong maging mabango agad ang hininga kahit ‘di nagsisipilyo.

4. Sa aktuwal nang halikan, panatilihing malambot at ‘gentle’ ang iyong lips. Isiping ang hinahalikan ay napakalambot at maselan.

Maaari mong pagpraktisan ang likod ng iyong kamay.

5. Go with the flow.

Mayroong mga mahahabang halik at mayroon din mamang maiksi su-balit gentle na paghalik. Go with the flow. Hayaan ang iyong partner na siyang manguna kung hindi ka sigurado kung paanong ‘tatakbo’ ang inyong halikan.

6. Mag-concentrate sa pakiramdam ng kiskisan ng inyong mga labi.
Kapag nasa kalagitnaan kayo ng halikan ng iyong mahal, ituon ang atensiyon sa ‘friction’ sa pagitan ng inyong mga labi, ang kuryenteng mararamdaman kapag nagdikit na ang inyong mga bibig at kung paano ninyo ito i-galaw.

Ang pagtuon sa ‘physical sensation’ ng halik ay nakadaragdag sa ‘senswalidad’ ng inyong paghahalikan.

7. Tandaan na hindi naman talaga kailangan na gamitin ang dila sa halikan. Kung wala ka pang karanasan, i-save mo na lamang ito sa inyong susunod na intimate na date.

Ayon sa mga eksperto, ang karamihan ng mga mahuhusay na halikan ay nag-uugnay lamang sa mga labi. Kapag komportable kang halikan ang iyong partner, mag-eksperimento sa iba’t ibang paraan ng paglasa at pagkiskis sa kanyang labi.

8. Bahagyang laruin ang kanyang lower lip (pero huwag kakagatin), ‘i-caress’ ang kanyang mga labi sa pamamagitan ng pagkuskos pabalik-balik ng iyong labi sa kanya.

Dilaan o i-lick ang labas na kanto ng kanyang bibig at subukang gumamit ng iba’t ibang pressure at galaw para maingat na i-explore ang labi ng iyong partner.

Alamin kung gaano kasarap ang pakiramdam kapag naglalapat ang inyong mga labi at subukang gumamit ng ibang paraan para sa mas masayang halikan.

9. Sikaping nakapingit ang mga mata kapag naghahalikan.

Ayon sa mga eksperto, dapat ay parating nakapikit ang mata kapag kayo ay naghahalikan.

Kapag nagsimula na ang halikan, dapat ipikit ang mata at ituon ang pansin sa paghalik.

Isa pa, kapag kayo ay naghahalikan na bukas ang iyong mata, mawi-weirduhan sa iyo ang lalaki kapag nahuli ka niya sa itsurang ito.

TANDAAN: Ang mga lalaking humahalik ng bukas ang mga mata ay iba ang iniisip na kahalikan at hindi ikaw.

Kapag nahuli mo ang iyong partner na mulat na mulat habang kayo ay nasa kainitan ng halikan, mag-ingat....maaaring hindi siya mahusay na ‘boyfriend material’.

10. I-enjoy ang kiss.
Ito ang dapat mong pakatandaan kapag ikaw ay nakikipaghalikan....ang i-enjoy ang iyong kiss. Ika nga ‘kiss with confidence’ at gawing masaya at memorable ang iyong pakikipaghalikan.

ALAMIN ANG LIMITASYON
Masarap makipaghalikan sa taong mahal subalit, sinasabi rin na huwag kalilimutan na alamin ninyo ang inyong limitasyon sakaling nasa kainitan kayo ng halikan.

Anumang bagay na kahantungan ng inyong pagki-kiss ay nakasalalay na sa inyong mga kamay. Kaya’t maging ‘memorable subalit responsible kisser’.